منقوله من احد القروبات
هبض عليه وانا حلق الفرع والفي ياميل
اتذكر الوقت ذاك الي مضى باول زماني
ابطيت اهوجس وراح الوقت حتى جاني الليل
اظني اهرج وما عندي بشر جالس لحالي
ماتبصر ازوال ناس ولا حلال ولا مناحيل
ما تسمع الا طيور مهاجره في كل جالي
راحو رجال الشهامه والكرم ذباحة الحيل
راحو مع وقتهم راحو كريمين السبالي
وقلت وش ذى العلوم الي تجي جيلا بعد جيل
ولا لقيت الجواب الي يرد على سوالي
لكن ياديرتي صبرك عسى يسقيك بالسيل
السيل ياديرتي يسقي سهولك والجبالي
ليست هناك تعليقات:
إرسال تعليق